Wes Kumpul Kebo Dodolan Sabu Pisan, yo Dikecrek!
Edan tenan. Pasangan tunuk-tunukan iki pancen kebangeten tenan. Poso-poso kumpul koyok bojo-bojoan alias kumpul kebo tur nekat dodolan narkoba.
Jelas ae, Polsek Asemrowo, Suroboyo nggrebek. Wong loro lanang wedok dikecrek bareng. Sing lanang jenenge Yanse Miwon, 47 tahun.
Warga Tambak Asri, Krembangan, Surabaya lan wedokane iku dikeler nang kntor polisi. Soko tangane Yanse polisi nyita 30,88 gram sabu sing wes siap diedarne.
Soko pengakuane, Yanse karo wedokane biasa ngedarne salah sijine jenis narkoba iku nang wilayah Surobaya. De'e ngaku entuk barang ngge gedeg iju soko koncone koncone sing lagi dikunjoro nang Lapas Porong.
Kurang ajar banget kan. Mosok wes nang kunjoro sik isok dodolan sabu. Kunjaran Porong ancene kesuwur kunjaran kanggene narapidana narkoba lan korupsi. Mugo-mugo, polisi yo iso nggrebek Lapas iku.
Naliko ditangkep, Yanse gak berontak. Malah de'e mung nunduk lesu. Koyok ayam jago sing keno jalu jago liyane. Gak sumbut karo sing dol.
"Aku khilaf Pak. Aku janji ndak katene baleni maneh," ujare Yanse kolo dikeler nang kantor polisi, Sabtu, 25 Mei 2019.
Masio wes ngaku salah, Yanse yo tetep ae dikeler lan diperikso. De'e digerojok pitakonan soal narkoba sing konangan nang tangane.
Yanse ngaku nek tuku barang haram iku Rp 1 juta per gram. Terus karo Yanse didol meneh kanti rego Rp 1,2 juta. Dadi untung Rp 200 ewu.
"Nek didol eceran, batine tmbah akeh. Saben grame iso untung sampai Rp 500 ewu," jare Yanse.
Tapi mestio batine akeh nek terus mlebu kunjor kan yo ra enak. Opo maneh wayae arep bodo koyo ngene.
Mangkane ojok aneh-aneh sampek dodolan barang haram koyon Yanse iki. Mosok poso-poso, wes kumpul kebo dodolan sabu. Ancene kampret! (rip/dicuplik soko jpnn)